2º Maratón de Galeguidades
25 países 11 horas
>30 entrevistas

é Profesora Contratada Doutora no Departamento de Socioloxía e Ciencias da Comunicación da Universidade da Coruña. Licenciada e Doutora en Socioloxía, conta con formación especializada nos ámbitos da Demografía e as Migracións Internacionais. Fai parte do Consello Científico da revista do IGADI Tempo Exterior. Integra o Equipo de investigación Sociedades en Movemento (ESOMI, www.esomi.es), un grupo de investigación especializado na análise dos procesos migratorios e de mobilidade, así como o Centro de Estudos de Xénero e Feministas (CEXEF), ambos na Universidade da Coruña. Forma parte do Arquivo da Emigración Galega do Consello da Cultura Galega. As súas liñas de investigación xiran en torno ao estudo das migracións internacionais, o envellecemento demográfico e a análise das relacións de xénero e os coidados. Neste marco ten desenvolvido investigacións sobre as dinámicas migratorias recentes en España, cunha atención especial polo proceso da “nova emigración española” e o retorno de inmigrantes. Tamén ten realizado traballos sobre o proceso de envellecemento da poboación galega e as novas políticas demográficas. Na actualidade está a dirixir o proxecto de investigación en materia de cooperación ao desenvolvemento que leva por título “Familias caboverdianas en Galicia. Impacto para o desenvolvemento da transnacionalización dos coidados e as remesas”, e un proxecto de I+D+I baixo o título “Crises, dinámicas migratorias e condicións de vida da poboación migrante en España. Análise comparada dos efectos da Gran Recesión e a Gran Pandemia”, financiado polo Ministerio de Ciencia e Innovación.

é profesora titular de Socioloxía da Universidade da Coruña. É membro do Equipo de Investigación de Sociedades en Movemento (ESOMI). As súas liñas de investigación céntranse nas políticas migratorias, e especialmente, nas políticas de integración de inmigrantes. Participou como investigadora no proxecto de I+D+I (CSO2016-80158-R): “A nova emigración de España: perfís, estratexias de mobilidade e activismo político transnacional” –dirixido por Antía Pérez Caramés (UDC). Actualmente, é a investigadora principal do proxecto Retos de I+D+i (2020-2022) «Integración e retorno da «nova emigración española»: unha análise comparativa das comunidades españolas no Reino Unido e Francia» (EMIGRAREIN, PID2019- 105041RA-I00, 2020-2023). As súas últimas publicacións como autora son: “Que é a Integración? A Comparative View from Immigrants and Municipal Policy” en International Migration (2020) e “Intercultural priorities between inmigrant organizations in Galicia (Spain): Beyond the ofensive and defensive binary” in International Journal of Intercultural Relations (2020). É parte do Consello Científico da revista do IGADI, Tempo Exterior

Vigués, vive dende hai 5 anos en Bruxelas, Bélxica. Estudou Economía na Universidade de Santiago de Compostela, onde tivo a súa primeira experiencia internacional, en forma de Erasmus en Varsovia. Ao rematar o grao, froito da precaria situación profesional en Galicia para a xente nova e da curiosidade laboral polas relacións internacionais, marcha a traballar a Bruxelas no eido dos proxectos europeos de innovación. É aí onde descubre que existe unha burbulla cultural “galego-belga”, impulsada da man da Asociación Couto Mixto de Bruxelas e decide xuntarse canda os seus amigos e amigas da universidade, tamén emigradxs en Bruxelas para crear o Festival EmigraSON.

(Palmeira, Ribeira, 1976) é doutor en CC. da Información pola Universidade de Santiago de Compostela. Na actualidade, é director de culturagalega.gal, o portal de divulgación cultural do Consello da Cultura Galega e profesor asociado na Facultade de CC. da Comunicación da Universidade de Santiago de Compostela. Como comisario de exposicións, Gago ten dirixido mostras como Galicia 100. Obxectos para contar unha cultura (Consello da Cultura Galega), Alba de Gloria de Castelao, unha experiencia, Galicia, un relato no mundo (Xunta de Galicia - Cidade da Cultura, 2019) ou o proxecto de sete exposicións Cidades no tempo(Xunta de Galicia - Cidade da Cultura,).

Alina é Doutora en Dereito e Ciencias Sociais pola Universidade da República (Uruguay), sendo especialista en Dereitos Humanos. Mantén unha relación activa e continuada con Galicia a través do seu traballo investigativo sobre as migracións galegas no Uruguai. No marco deste labor, desenvolveu o proxecto “Lazos de Hermandad entre Gallegos y Uruguayos. Sus voces. El Legado”, realizado e publicado no Consulado Xeral do Uruguai en Santiago de Compostela, onde recolleu testemuños e memoria histórica da colectividade galega no país suramericano, así como a entrevista biográfica con Manuel Losa Rocha, un dos fundadores do Patronato da Cultura galega en Montevideo. Ademais, participou en exposicións e actividades académicas en Galicia, fortalecendo os lazos culturais e sociais entre ambas comunidades. A súa obra contribúe a preservar e difundir o legado da emigración galega no Uruguai, destacando o valor da memoria colectiva e da identidade compartida

David é Profesor Titular de Estudos Hispánicos e Director do Centro de Estudos Galegos na Universidade de Bangor (País de Gales). É tamén co-editor da revista académica Galicia 21. Journal of Contemporary Galician Studies. A súa tese doutoral, que analiza a presenza de Nova York na narrativa española de principios do século XX, foi premiada pola AHGBI (Asociación de Hispanistas de Gran Bretaña e Irlanda) e a embaixada española de Londres en 2012. Desde entón, a súa investigación tense centrado principalmente na presenza galega en Nova York e Nova Jersey, especialmente en temas relacionados coa emigración e o exilio. Tamén traballa noutras áreas como a literatura de viaxes e a banda deseñada. En 2014 co-traduciu ao galego a colección de poemas “Terfysg” do poeta galés Ifor ap Glyn para a revista Dorna, e no 2025 a mesma revista publicará a súa tradución dunha antoloxía poética de Zoë Skoulding, autora inglesa radicada no País de Gales.

Pablo é licenciado en Historia e Xeografía pola Universitat de Barcelona e especializado en Política Internacional e Historia Contemporánea pola Università di Napoli Federico II. Analista político e escritor freelance, investiga o papel das diásporas como espazos de resistencia simbólica e memoria viva. Traballa como galerista na Galería Rocío Santacruz de Barcelona e colabora co IGADI e co MUME, onde desenvolveu proxectos sobre os exilios catalán e internacional. Dirixe ÁgoraPolitik.com, onde publica ensaios sobre migracións, memoria histórica e xeopolítica. En 2025 publica Galeguismo Desterrado: cultura e política no exilio 1936-1945, froito dunha investigación centrada na diáspora galega americana como laboratorio transnacional de identidade, resistencia e produción cultural. A súa ollada vincula os fenómenos políticos actuais coas súas raíces históricas e culturais máis profundas.

(Buenos Aires, 1972). Profesor de Ensino Medio e Superior en Historia pola Universidad de Buenos Aires (UBA) e Doutor en Historia pola de Santiago de Compostela (USC). Investigador Independente do Consejo Nacional de Investigaciones Científicas y Técnicas (Conicet) da Arxentina, con sede de traballo no Laboratorio de Investigación en Ciencias Humanas (Conicet – Universidad Nacional de San Martín, Unsam), é tamén no ámbito da Unsam docente da Licenciatura en Historia. Ocupa, ademais, o cargo de co-responsable da Cátedra Libre de Estudios Gallegos “Alfonso R. Castelao” (UBA), integra a Comisión de Relacións Institucionais e Acción Exterior do Consello da Cultura Galega, e colabora co Grupo de Investigación de Historia Política e dos Nacionalismos (Hispona, USC). Especialista nas migracións e exilios galegos na Arxentina durante os séculos XIX e XX.

Nado en Ourense o 22 de decembro de 1960, é empresario do sector dos medios de comunicación e reside actualmente en Pozuelo de Alarcón (Madrid). É CEO e socio de Taller de Radio, unha axencia de medios especializada en radio con oficinas en Madrid, Barcelona, Galicia e Andalucía. Forma parte da Xunta Directiva de AEGAMA (Asociación de Empresarios Galegos en Madrid) e do comité de dirección de Demuestra.com, plataforma centrada no liderado directivo. Así mesmo, é membro do Consello Xeral do partido Ciudadanos.

Juan Carlos é director xeral de CESI Formación e RRHH, entidade que fundou en 1992 en Barcelona, e conta cunha traxectoria de máis de 30 anos no ámbito da orientación, formación e inserción laboral. É tamén presidente da Asociación de Consultores Independentes de Proxectos Empresariais (ACIPE) e forma parte de diversas entidades representativas como a Comisión Executiva SOQ de PIMEC, a Comisión de Formación e Recursos Humanos de Foment del Treball e a xunta directiva de CAT-Formació/CECAP. Ademais, é membro da xunta de AEGACAT (Asociación de Empresarios Galegos de Cataluña). Referente no sector da formación profesional, lidera comunidades profesionais dixitais con gran impacto en LinkedIn, que agrupan a máis de 30.000 membros nos ámbitos da Formación para o Emprego e da Recolocación.

Socio en BECA Advisors & Presidente da Asociación de Empresarios Galegos do Uruguai (AEGU)

Nado en Pontevedra, 37 anos, graduado pola UNED en Traballo Social e Técnico Superior en Integración Social. Desde o ano 2021 traballo como autónomo en Orgullo Galego, unha comunidade en redes en lingua galega que divulga sobre lingua, cultura, tradicións ou temáticas de actualidade. Actualmente é un dos proxectos en galego con máis alcance, seguidores e seguidoras, 450.000 presentes en máis de 70 países o que o converte nun espazo importantísimo para a divulgación mais tamén para a creación de contido. O traballo de divulgación e creación de Orgullo Galego céntrase tanto nas redes sociais como na páxina web, mais tamén nos centros de ensino e asociacións culturais, onde achegamos as potencialidades do uso do galego das novas tecnoloxías e a necesidade de usala en todos os ámbitos, como lingua viva e moderna que é.

Son Ángel Currás, coñecido nas redes sociais como @oveyanejra_, teño 28 anos, nacín en Moaña (no corazón das Rías Baixas) e agora vivo asentado na Coruña, aínda que a morriña do mar da casa nunca marcha. Psicólogo de formación, maquillador profesional por vocación, e creador de contido por pura retranca galega. Nos meus vídeos combino humor, lingua galega e moita esaxeración para amosar como falamos de verdade en Galicia: con salero, con burradas, pero sobre todo con agarimo e orgullo. Encántame rir do cotián, poñer en valor o noso, e demostrar que se pode ser moi profesional sen perder a chispa de aldea. A maquillaxe é a miña forma de expresión artística, a psicoloxía a miña maneira de entender aos demais, e o humor… o meu superpoder.

Coñecida como Prado Rúa nas redes sociais, adícase a crear contidos audiovisuais relacionados coa cultura galega e cos seus intereses persoais. Poderíase considerar unha influencer galegofalante, comprometida coa difusión da lingua e identidade galegas. Comezou a facer vídeos en YouTube no ano 2020 e, poucos meses despois, expandiu a súa presenza tamén a Instagram e TikTok onde acumula actualmente milleiros de seguidores.

Santa comba 1990. Alcalde de Santa Comba, expresidente da Asociación de empresarios de Santa Comba e xerente empresa El Juguetón. Un amplo porcentaxe da familia é emigrante e reside en Brasil. Parella residente en Suiza (nativa) de país de Santa Comba.

Alejandra é xornalista e escritora nacida en Cabana de Bergantiños (A Costa da Morte), é unha observadora incansable do mundo. Galega-suízo-alemá, combina sensibilidade e pragmatismo cunha ollada diplomática e cohesionadora. Desde 1997 percorre o camiño da emigración española, recollendo testemuños e vivencias de quen vive entre dous mundos. A súa obra afonda na diáspora contemporánea, comparándoa coa dos anos 60-70, e explora temas como o retorno, a integración, o asociacionismo ou a soidade da persoa emigrante. A través de historias reais, incluída a súa, transmite a riqueza emocional e social de quen constrúe unha vida lonxe do fogar, sen perder nunca o vínculo coas propias raíces.

Vedrés de 55 años, casado e con duas fillas, sigue a vivir na mesma parroquia donde naceu, Santa Cruz de Ribadulla. Licenciado en Dereito pola Universiade de Santiago de Compostela, Avogado de profesión é un dos fundadores no ano 1999 do bufete compostelano “CEG Avogados.” Dende os 18 anos sempre estivo vinculado aos movimentos socioculturais, deportivos e musicais da sua parroquia Santa Cruz e do seu concello de Vedra. Así, foi membro fundador e presidente da Asociación Cultural Ullán, igualmente da Escola Deportiva Ribadulla, do grupo de Teatro Ullán, do grupo folk “Ardelle O Eixo”, así como membro e colaborador de outras moitas entidades e asociacións como Caritas Parroquial de Ribadulla, Coral Polifónica de Santa Cruz, Comisión de Festas, etc Afiliado ao Partido Popular (PP) no ano 2004, é alcalde do Concello de Vedra dende o ano 2011. Amante do deporte (foi xogador de baloncesto en LA SALLE), do cine, da historia e da música en directo, gústalle viaxar, coñecer novos ditios, pero sobretodoe pasar tempo coa sua familia.

(Calo, 2 de agosto de 1977) é unha política galega vinculada ao PSdeG-PSOE. Cunha traxectoria profesional ligada á xestión administrativa nunha empresa familiar no sector da construción, iniciou a súa carreira política nas eleccións municipais de 2011. Nas municipais de 2019 logrou a Alcaldía de Vimianzo e en 2023 foi reelixida cunha contundente maioría absoluta, obtendo 10 dos 13 concelleiros. Neste novo mandato foi elixida tamén deputada provincial de Vías e Obras.

Presidente da Deputación da Coruña desde o ano 2015 e Alcalde das Pontes de García Rodríguez desde o 2007.

Elin (Bermudas, 1967) é catedratica na Universidade de Gales e directora do Centro de Estudios Avanzados Galeses e Célticos, sede de 25 investgadores e 12 doutorandos. Comezou a sua carrera de investigadora coa Rede Mercator, especializando nas linguas minorizadas de Europa, nas politicas linguisticas e nos medios de comunicacion. Nesta epoca, empezou a aprender euskara e catalan, e fixo clases de galego coa sua colega, Elisa Fernandez Rei - hoxe Directora do ILGA. Dende 2021 é presidente de ELEN - a Rede pra a Igualdade das Linguas Europeas, que é una ONG representando 175 organizacions de 50 comunidades linguisticas en 25 paises. É autora de estudios e informes sobre as linguas minorizadas, e experta do Consello de Europa para o Comite de Anti-Discriminacion, Diversidade e Incusion. E directora do proxecto BRO: estudo sociolingüístico multimodal das comunidades galesofalantes contemporáneas, co investigadors de 3 universidades e 7 organizacions locais. En 2023, foi presidente da XIX Conferencia Internacional das Linguas Minoritarias que se celebrou en Gales. Dende 2025 é Presidente da Comision de Comunidades Galeso-falantes, una comision independiente establecida polo Gobierno Gales para investigar o uso social do gales nas comunidades de porcentaxes inferior ó 40% de falantes da lingua.

Marta é graduada e licenciada em História pela Universidade Federal do Rio de Janeiro. Mestre me História Social pela mesma instituição. Doutora em História Social pela Universidade Federal Fluminense, com pós-doutorado em História Comparada pela Universidade Federal do Rio de Janeiro. Atualmente é Professora Adjunta de História Medieval pela Universidade do Estado do Rio de Janeiro, vinculada ao Programa de Pós-Graduação em História da UERJ. É professora aposentada da Secretaria Municipal de Educação do Rio de Janeiro. É coordenadora do Programa de História Medieval da UERJ. Sua trajetória acadêmica versa sobre os estudos medievais, especialmente aqueles que se relacionam aos reinos ibéricos. O foco das suas pesquisas são as relações de poder que se estabelecem entre as monarquias ibéricas, sobretudo as de Leão, Castela e Portugal, e a população cristã, judaica e muçulmana. Para tanto, utiliza-se de fontes documentais jurídicas, cronísticas, literárias e imagéticas.

Nacín en Galicia, onde me formei como sociólogo e desenvolvín a parte inicial da miña carreira profesional no ámbito da consultoría. Na miña etapa en Galicia, tiven a sorte de traballar nunha empresa con vocación internacional e visión de futuro. Ademais de ser o galego o idioma dominante, os traballadores tiñamos a opción de perfeccionar o noso portugués mediante cursos adaptados a galegofalantes. En 2009, decidín emigrar a Polonia, país de orixe da miña parella, onde atopei o meu primeiro traballo como analista de mercados de fala portuguesa na corporación americana Reuters, que conta cun dos seus maiores centros de traballo na cidade polaca de Gdansk. Esta experiencia reforzou a miña idea do significado de ser galego nun mundo global. Posteriormente comecei a impartir clases na Universidade de Gdansk, onde tamén tiven a honra de coñecer á bisneta de Sofía Casanova, unha destacada escritora e xornalista galega que traballou como corresponsal de guerra en Polonia. Este encontro foi especialmente significativo para min, xa que resaltou os lazos históricos e culturais entre Galicia e Polonia. Na actualidade, resido en Copenhague, onde un grupo de galegos nos xuntamos coas nosas familias para pasar a tarde. Son assistant professor na Universidade de Copenhagen, seccion de xeografía. Tamén, en colaboración coa facultade de linguas, organicei un evento sobre Galicia e a lingua galega. A pesar de que en Dinamarca existe unha imaxe moi difusa de Galicia e a cultura galega, o evento foi seguido por un gran número de persoas, o que reforza aínda máis a proxección global de Galicia.

(Ciudad de México,1994) Escritora e creadora escénica. Colaborou como xornalista e crítica literaria para Pikara Magazine e O Salto Diario. Neste último medio, administrou o blog Rehabitar o rural, un espazo literario que buscou dignificar a vida nas zonas rurais de Galicia. Foi coordinadora e dinamizadora dun proxecto de recuperación da memoria comunitaria a través de talleres de teatro impartidos en varios poboados rurais da provincia de Pontevedra. No 2022 foi beneficiaria do apoio Creación Joven do INJUVE para desenvolver un proxecto de investigación sobre a produción de literatura escrita por mulleres migrantes no Estado español. A súa primeira novela Eu son ou monte, foi publicada en 2024 pola editorial Euseino? Gañou o reoñecemento Nosa Señora das Letras, da Plataforma literaria feminista A Sega 2025

Nacín en Galiza, no concello de Ponteareas, e fun criada na Feira, en Salceda de Caselas. Aos doce anos emigráronme a Berna, onde resido até hoxe. Casei cun suízo e temos dous fillos. Son enfermeira no Hospital Universitario de Berna e tamén guía turística na cidade. Hai uns dez anos descubrín a literatura galega e quedei prendida da poesía. No ano 2020 nace GALEMÁN Poesie, froito dunha afección pola tradución que xurdiu en momentos nos que precisaba despexar a mente. Este traballo deume a oportunidade de unir as dúas linguas que, a día de hoxe, sinto como maternas, e que agora comparto coas miñas amigas Corinne e Katiuscia.

(Xesús Miguel De Toro Santos, 10/01/1956. Santiago de Compostela) 38 libros de ficción, ensaio, teatro, guións. Premios literarios da crítica galega e española. Obra traducida a varias linguas europeas. Colaborou en prensa galega, española e internacional con opinión, reportaxes, entrevistas. Foi patrono da Biblioteca Nacional. Recibiu a Creu de Sant Jordi.

Erica é Historiadora e pesquisadora, com trajetória consolidada em estudos migratórios, mantém uma ligação profunda com a Galiza, onde obteve seu doutoramento em História na Universidade de Santiago de Compostela, foco em América Contemporânea. Foi professora visitante na mesma universidade, estreitando ainda mais seus vínculos acadêmicos e culturais com a realidade galega. Suas investigações abordam, entre outros temas, a imigração espanhola no Brasil e na Argentina, com especial atenção às diásporas galegas e seus processos associativos. Integra projetos que conectam Galiza, Brasil e América Latina, seja através da coordenação do Labimi (Laboratório de Estudos de Imigração), seja como professora convidada na Universidade do País Basco.

é professor na NOVA FCSH e autor de vários livros sobre a língua, incluindo Atlas Histórico da Escrita, História do Português desde o Big Bang e O Galego e o Português São a Mesma Língua?. Apresenta o programa Português Suave na Rádio Observador e tem vários projectos de divulgação linguística e cultural nas redes sociais e outras plataformas.

é sacerdote diocesano da Beira, ordenado em 2016. É Doutor em Direito Canónico pela Universidade Pontifícia de Salamanca - Espanha. Possui ademais os seguintes títulos: 1. Mestrado em Ciência e Direito pela UNED-Espanha (2023); 2. Mestrado em Proteção de Dados pela UNED-Espanha (2023); 3. Especialidade em Direito e Novas Tecnologias pela UNED-Espanha (2023); 4. Pós-graduação em Comunicação Social pela UPSA-Espanha (2022). Actualmente é professor da Língua Latina e Coordenador do Departamento de Estudos Galegos na Universidade Católica da Beira.

Milena tem formação em Economia e é empreendedora e ativista cultural moçambicana. É membro da JUPLP e tem dedicado a sua trajetória a projetos de intercâmbio e promoção da identidade lusófona. Reconhecida como uma das 100 Pessoas Mais Influentes da África em 2024, coordena eventos com impacto social e iniciativas voltadas para o empoderamento juvenil e feminino. Milena acredita na força da língua portuguesa como ponte de união, criatividade e transformação entre os países da Lusofonia.

é nada en Pontevedra en 1992, son graduada en Bioloxía (2014) e doutora en Bioloxía pola Universidade de Vigo (2020). Despois de vivir en Alemaña, España e Francia, actualmente traballo en Versalles (Francia), no Institut Jean-Pierre Bourgin, que forma parte do INRAE, como investigadora posdoutoral no grupo “Qualité de la biomasse et interactions avec la sécheresse” (Calidade da biomasa e interacción coa seca). A miña investigación céntrase na tolerancia do millo á seca e ás altas temperaturas, así como na súa valorización como forraxe para alimentación animal, poñendo o foco na parede celular vexetal como mecanismo clave de tolerancia. Definiríame como unha mestura de bioquímica, fisióloga e xenetista. E, como adoita dicirse en bioloxía, máis de bota que de bata.“

é un médico galego cunha traxectoria académica e profesional de proxección internacional. Licenciado e Doutor en Medicina pola USC (1985, 1989), formouse como especialista en Endocrinoloxía e Nutrición dentro do Sistema MIR no Hospital Clinico de Barcelona e Hospital Xeral de Santiago de Compostela, facendo estadias clinicas no St Bartholomew’s Hospital de Londres. Posteriormente continuou a súa carreira investigadora nos EUA como investigador asociado na Texas Tech University Health Sciences Center (1997–1998) para logo completar a súa formación clínica como Fellow na Universidade de Chicago (2000–2002), obtendo os titulos de especialista en Medicina Interna i en Endocrinoloxía, Diabetes e Metabolismo nos EUA. O longo da sua carreira ocupou as cátedras de Medicina e de Xefe de Servicio de Endocrinoloxia na Texas Tech University Health Sciences Center, University of Missouri-Kansas City, e University of South Carolina No 2019 obtivo a Catedra de Medicina na Universidade de Santiago de Compostela, onde na actualidade esta en excedencia y, ende o ano 2022, e Catedratico de Medicina na University of California Davis (UCD) e Xefe da División de Endocrinoloxía, Diabetes e Metabolismo no UCD Hospital e UCD Health en Sacramento.

é neurocientífico e biólogo molecular, formado na Universidade de Santiago de Compostela e afincado en Suecia dende hai xa dezaoito anos. Actualmente traballa no Centro Nacional de Xenómica (NGI), onde coordina proxectos de transcriptómica espacial, unha técnica punteira para estudar a expresión xénica a nivel celular. Alén da ciencia, Xesús tamén cultiva a escrita: en 2022 publicou a súa primeira novela, ·Cara ao norte. A viaxe dunha historia sen historia", unha obra en galego que mestura relatos, memoria e realismo máxico. Comprometido coa comunidade investigadora no exterior, é tamén un dos fundadores da Asociación de Científicos Españoles en Suecia (ACES), da que é presidente dende 2023. Dende ACES promove o diálogo entre ciencia e sociedade, e o contacto entre profesionais españois e galegos no estranxeiro. Ciencia, literatura e rede: tres patas dun banco que mira sempre cara ao futuro… sen esquecer as raíces.

Nacida en Winchester e criada en Londres, neta de galegos e filla de pai galego, mantiven sempre unha forte ligazón con Galicia a través do Centro Galego de Londres, onde bailaba e tocaba a gaita, e do FC Deportivo Galicia. Levo máis de 20 anos traballando como profesora de idiomas, tradutora e intérprete. En Galicia, fundei un equipo de fútbol sala feminino na miña aldea, colaborei co RC Deportivo como docente, tradutora e intérprete, ademais de ser docente na Federación Galega de Fútbol. A miña traxectoria une deporte, lingua e identidade como ferramentas para crear comunidade e tender pontes entre culturas.

Teño 61 anos, fillo de pais e avós galegos: pola banda do meu pai, de Tufiones – Vimianzo, e pola banda da miña nai, de Bertamiráns. Ao emigrar á Arxentina, asentáronse na zona sur da Capital Federal de Bos Aires. Coa miña familia estivemos sempre vencellados á vida social do Club Deportivo Español de Bos Aires, entidade da que fun directivo e durante 14 anos presidente de Prensa. No ámbito familiar, teño unha empresa dedicada á fabricación de selos de goma e gravados con láser, que levo adiante xunto coa miña filla, tamén seareira do Deportivo Español. E, malia a distancia, seguimos con paixón ao Dépor da Coruña.

Técnico Superior en Diagnóstico por Imaxe e Medicina Nuclear con máis de 20 anos de traxectoria en contornos internacionais esixentes. Actualmente traballa como Asesor en Prevención de Riscos Laborais para un organismo internacional, achegando experiencia en seguridade, saúde laboral e operacións en contextos complexos. Compaxina este labor coa súa faceta emprendedora como responsable de Boa Uva, empresa dedicada á importación e distribución de viños galegos nos Países Baixos. Profesional versátil, cunha gran capacidade de adaptación, enfoque intercultural e paixón polo traballo ben feito. É o Presidente da Peña Deportivista Zuid Holland.

Son xornalista e resido en Londres, onde desempeño diversas ocupacións no eido da comunicación, entre elas a de colaboradora da CRTVG nesta cidade. Anteriormente, traballei no Sermos Galiza (agora Nós diario), onde escribía unha columna semanal de opinión sobre o Celta de Vigo. Previamente en Londres traballei como analista da liga de fútbol española nunha empresa de datos. Son unha das fundadoras da peña London Celtas e a súa actual vicepresidenta. Son unha das integrantes do podcast Fóra de Mapa. Recentemente veño de colaborar no libro publicado por Positivas "A gran final: contos e contas do fútbol galego" co relato -O fútbol sen o fútbol. Son de Zacande (Meis-Pontevedra).

Xornalista e produtor, en outono lanza o libro sobre a diáspora "O país invisible"

Carla é unha artista galega especializada en fotografía e medios audiovisuais. Licenciada en Comunicación Audiovisual, conta cun máster en Artist’s Film & Moving Image pola Universidade Goldsmiths de Londres. Actualmente realiza unha estancia de investigación no Center for Ethnographic Media Arts da Universidade de Southern California, en Los Ángeles, grazas a unha bolsa Fulbright, como parte da súa tese doutoral. A súa obra explora a intersección entre a imaxe en movemento e a reflexión filosófica, cunha profunda conexión coa natureza salvaxe, influenciada pola súa crianza fronte ao Atlántico. Desenvolveu proxectos en Islandia, Nepal, Chile, Suecia, África Central, París ou Barcelona. O seu traballo foi exhibido en institucións como o Museo Guggenheim de Bilbao, MARCO de Vigo ou Lux de Londres, e en festivais como IFF Rotterdam, Zinebi, (S8), Play-Doc ou PhotoEspaña. Obtivo recoñecementos como o Premio L’Alternativa e o Play-Doc, e foi apoiada por entidades como Fulbright, ICAA, Agadic ou VEGAP.    

Diana é cineasta e montadora, sitúase na intersección entre o cinema e a investigación. O seu traballo foi seleccionado en festivais de cinema como a Berlinale, o Festival Internacional de Cinema de San Sebastián, Visions du Réel, o Festival Internacional de Cinema de Nara, o Festival Internacional de Cinema de São Paulo, o FIDBA, Pesaro ou DocLisboa, entre outros. Diana editou máis de 30 longametraxes ata o momento, que foron estreados e premiados en IDFA, Rotterdam, Semaine de la Critique de Cannes, Moscow International FF, etc. Tamén traballou editando series para Netflix, HBO e Movistar. Na actualidade, Diana compaxina a súa profesión coa docencia na Universidade Pompeu Fabra (UPF) e forma parte da dirección do Master of Film da Netherlands Film Academy. Ademais, está a realizar un doutoramento en Comunicación baseado na práctica, explorando como as imaxes en movemento abordan as identidades, as memorias, as cristalizacións históricas e as tensións sociais.

Eloy naceu en 1985 en Simes (Galicia). Os seus filmes foron programados en festivais como IDFA, Mar del Plata, Visions du Réel ou Clermont-Ferrand, así como en centros culturais como a Anthology Film Archives, o Centre Pompidou ou o Museo Reina Sofía. A súa primeira longametraxe documental, NO COW ON THE ICE, estréase en Visions du Réel 2015. En 2017 participa na Berlinale Talents con HAMADA -estreada en IDFA 2018-, película seleccionada en festivais como FID Marseille, Bafici ou Edinburgh e premiada en Visions du Réel, Cinema du Réel, FIC Xixón ou Porto/Post/Doc. En 2020 filma OS CORPOS, seleccionado en IDFA, Clermont-Ferrand, Jeonju, True/False ou Bafici. En 2022 estrea o seu primeiro filme de ficción, ROMPENTE, que obtén a Biznaga de Prata á Mellor Curtametraxe de Ficción no Festival de Málaga e é candidata aos Premios Goya 2023. En 2024 roda a súa primeira longametraxe de ficción, TRALOVENTO, actualmente en fase de posprodución. Ademais do seu labor como cineasta, é docente na Facultade de Ciencias da Comunicación da Universidade de Santiago de Compostela.

Teño 35 anos e son psicóloga. Venezolana con raíces galegas e italianas, vive en Venezuela e estou a cursar un mestrado en Xestión e Políticas Culturais na Universidade Central de Venezuela. Desde que nacín, a Hermandade Galega foi unha parte fundamental da súa vida, unha tradición familiar que hoxe valoro fondamente. Esta institución non só me viu medrar, senón que foi o escenario das miñas “primeiras veces” en experiencias que moldearon a miña vocación. Aos cinco anos, descubrín o teatro, unha paixón que me levou a dedicarme profesionalmente ás artes escénicas desde os 14, explorando a interpretación e a produción. Hai tres anos, o meu camiño trouxome de volta á Hermandade Galega, onde comecei xestionando a súa sala de teatro e hoxe son a súa Directora de Cultura, o que para min é como devolverlle un gran de area á casa que me viu medrar. As artes escénicas, incluíndo música e danza, son o meu motor, e a Hermandade Galega converteuse nun piar indispensábel para o meu desenvolvemento profesional e persoal.

Breogán (Vigo, 1999) é artista visual, músico e poeta que reparte a súa actividade entre Galicia e Suecia. En Estocolmo, expuxo individualmente en Galleri Mejan e Galleri ID:I, e participou en colectivas en centros como Mint ABF, Index Foundation e Konstakademien. En Galicia, participou no Festival Curtocircuíto de Compostela e no Intersección da Coruña. Obtivo premios como o de Novos Talentos Luso-Galegos da Fundación Eixo Atlántico, o terceiro premio no Auditorio de Galicia e o María Luz Morales da Academia Galega do Audiovisual. Expuxo colectivamente na Fundación DIDAC ou no Fórum da Bienal de Vilanova de Cerveira, á vez que desenvolve proxectos musicais en A Regueifa Plataforma 2.0 e CrystalmineZine. A súa obra forma parte de coleccións públicas como a da Fundación Eixo Atlántico ou a da Universidade de Estocolmo. Fundou a revista CANTAM 808 e publicou o poemario Todos os Lonxes con Chan da Pólvora.

Melissa (Vila de Cruces, 1978) sempre quixo aprender inglés e en 2004 marchou a Londres. Alí descubriu o urdu, o afrikaans e escoitou por primeira vez o español de Guinea Ecuatorial. Ao mesmo tempo foi robustecendo as súas raíces galegas coa reactivación do Grupo de Traballo Galego (GTT), bailando e tocando a pandeireta no festival Dance Around The World, asistindo a proxeccións do Galician Film Forum e finalmente, en 2020, uníndose ao comité de dirección de REGA-UK. Agora encárgase da xestión das clases de pandeireta e baile que organizan dende abril de 2022 e de ter ao día a páxina web da asociación (regauk.gal) mailas redes sociais. Traballa de recepcionista nun edificio de oficinas do centro de Londres. 

Carlos naceu en San Román de Cedeira (Galicia) o 30 de xaneiro de 1970. É licenciado en Filoloxía Hispánica – Subsección Galego Portugués pola Universidade da Coruña. Entre os anos 2001 e 2012 impartiu clase no Instituto de Estudos Galegos da Universidade de Belgrano (República Arxentina), en agosto de 2002 incorpórase ao Instituto Santiago Apóstolo de Buenos Aires como profesor e en 2003 é nomeado director do Departamento de Lingua e Literatura Galega do devandito centro educativo. No ano 2005 é designado secretario técnico – educativo da Delegación arxentina da Fundación Galicia – América, propietaria do colexio, e en 2013 pasa a ocupar o cargo de director xeral do instituto. A finais do ano 2016 a Real Academia Galega nomeouno membro correspondente da institución.

(Arzúa, 1960) é historiador da arte, investigador e actual presidente da Fundación Castelao. Licenciado pola Universidade de Santiago de Compostela en 1984, defendeu en 2017 a súa tese de doutoramento sobre a figura de Alfonso Daniel Rodríguez Castelao, autor ao que dedicou boa parte da súa obra. É autor de importantes publicacións sobre a historia cultural e política de Galicia, como a triloxía Castelao, construtor da nación (Galaxia, 2019-2021). Ao longo da súa traxectoria comisariou numerosas exposicións de referencia e participou activamente na divulgación da memoria galega contemporánea. Desde a Fundación Castelao promove a conservación e difusión do legado do galeguista, reforzando o seu papel como símbolo da identidade e da cultura galega. Foto de Xurxo Lobato.