A 3ª edición do Maratón de Galeguidades da Deputación da Coruña celebrarase ao longo do venres 24 de xullo do 2026, entre as 9:00 e as 20:00. O telemaratón por internet para conectar a Galicia territorial coa Galicia exteriorpoderase seguir en directo na Canle de Youtube do IGADI.
As protagonistas da 3ª edición serán os Centros e asociacións galegas arredor do mundo, xunto as novas formas de conexión da Galicia exterior coa Galicia territorial. Daremos a volta ao globo, por medio de episodios xeográficos xunto a episodios de autor… e as necesarias Pausas de hidratación, moito mellores que as da Copa do mundo. Chegamos cheos de sorpresas: Alba Mancebo e Miguel Canalejo presentan o Maratón de Galeguidades 2026!
A data escollida, na véspera do Día de Galicia, quere dotar de contidos a relación de onte e de hoxe de Galicia coa súa emigración. Especialmente no 2026, no contexto do próximo XIV Pleno do Consello de Comunidades Galegas a celebrar no Brasil o 11 e 12 de novembro.
Colabora canda nós e difunde nas redes sociais usando o cancelo:
O IGADI define o Maratón de Galeguidades como un exercicio de intelixencia colectiva e diplomacia pública para poñer en valor a diáspora galega como ferramenta de proxección internacional de Galicia.
Na edición do 2026 daremos a volta ao mundo coa diáspora galega! Xa temos as primeiras participantes e cada día, SORPRESAS! As horas da programación do Roteiro son as galegas ;)
Vimiancesa graduada en Xornalismo pola Universidade de Santiago de Compostela, leva vinculada profesionalmente á Corporación de Servizos Audiovisuais de Galicia desde o 2016. Logo de comezar na Radio Galega, desenvolveu a súa carreira entre este medio, a televisión e o ámbito dixital. Na Televisión de Galicia conduciu documentais como Os Castros e Os Castelos, programas de entretemento como Eventos G, Morra o conto ou Soño contiGo, ademais de especiais, galas e eventos. Actualmente presenta Latitude Galega, un programa que percorre diferentes países na procura dos galegos e galegas que viven no exterior, para coñecer como son as súas vidas e as súas historias de emigración.
María Xosé Porteiro
Consello Asesor do IGADI. Xornalista, escritora, antiga Delegada da Xunta de Galicia en Arxentina e Medalla do Parlamento de Galicia 2026.
Consello Asesor do IGADI. Xornalista, escritora, antiga Delegada da Xunta de Galicia en Arxentina e Medalla do Parlamento de Galicia 2026.
Christoph Schreinmoser
Director do IGADI. Profesor da Universidade da Coruña.
Xurista bávaro nado en 1996. Director do IGADI e profesor axudante doutor de Dereito internacional público e Relacións internacionais na Universidade da Coruña. Doutor en Dereito pola mesma universidade, completou a súa formación nas universidades de Múnic, Verona, Passau e Santiago de Compostela. O seu traballo aborda o Dereito internacional contemporáneo desde unha perspectiva crítica, con especial atención ao patrimonio cultural, os dereitos humanos e ás organizacións internacionais, particularmente a UNESCO e a Unión Europea. Participou no 1º Maratón de Galeguidades conducindo o episodio de Alemaña.
Roi P. Vila
Rede IGADI. Responsable de comunicación do Maratón de Galeguidades 2026. Politólogo e consultor
Roi P. Vila é consultor político freelance especializado en análise política, datos e comunicación. Cun grao en Ciencias Políticas pola Universidade de Santiago de Compostela e un MSc en Política Europea pola London School of Economics and Political Science (LSE), conta con máis de dez anos de experiencia en consultoría política, intelixencia competitiva, análise de reputación e estratexia comunicativa. É investigador asociado do IGADI.
Foi Director do IGADI entre o 2017 e marzo do 2026. Licenciado en CC. Políticas e da Administración pola USC, con mestrados en Cooperación Internacional e Xestión Cultural pola mesma Universidade. Foi técnico de sensibilización (2009-2011) e Secretario do Fondo Galego de Cooperación e Solidariedade (2011-2015). Publicou «Os irmandamentos en Galicia: Globalización, redes e goberno local» (IGADI, 2010), entre outros moitos traballos arredor da paradiplomacia galega. Desde o 2014 é o responsable da investigación «Uma historia para o S. XXI» arredor do desenvolvemento da Lei Paz Andrade en Galiza. Coordenou a 1ª e a 2ª edición do Maratón de Galeguidades.
Ramón García
Presidente Asociación de galegos en Australia-Sidney
46 anos emigrado en Sídney, Australia, dende Bamio, Concello de Vilagarcía de Arousa, e seguimos coa morriña de sempre, inda que voltei en múltiples ocasions, e eche o que hai...
Anik Nandi
Director do Centro de Estudos Galegos na India-Telangana
Conta cunha longa traxectoria académica ligado aos estudos culturais, onde tivo unha relación intensa con Galicia. É Investigador Asociado Senior (Hon.) no Seminario de Sociolingüística da Real Academia Galega da Lingua Galega. Obtivo o seu doutoramento no 2017 por medio do prestixioso James Watt Fellow da Universidade Heriot-Watt, Edimburgo, Reino Unido. O doutor Nandi traballa actualmente como profesor asociado de comunicación multicultural na Escola de Negocios da Universidade de Woxsen, Telangana, India. Tamén é o director fundador do Centro de Linguas e Comunicación Multicultural e a Cátedra Joseph Lo Bianco de Estudos de Política Lingüística na súa institución actual. Antes disto, Anik traballou como Investigador Posdoutoral Senior na Universidade do País Vasco, España, onde realizou investigacións orixinais sobre a transmisión interxeracional das linguas vasca (en España) e Santali (na India). Anik tamén é Investigador Visitante no Centro de Lingüística de Leiden (Países Baixos) e Colaborador no centro de investigación adscrito á UNESCO, Cátedra de Patrimonio da Lingua da Humanidade da Universidade do País Vasco (España). O doutor Nandi está especializado en políticas lingüísticas e prácticas de alfabetización en contextos multilingües e os seus traballos de investigación apareceron en moitas revistas internacionais de prestixio vinculadas a Estudos Culturais e Lingüística Aplicada. Desde 2021, traballa como editor de críticas de libros da revista Sociolinguistic Studies (ISSN: 1750-8649; Scopus e Q2), Equinox Publishing, Reino Unido.
Javier López Prol
Participante desde Corea do Sur
É doutor en Economía pola Universidade de Graz, Austria, e profesor asistente na Universidade Yonsei – Mirae en Corea do Sur. O seu traballo enfócase na mitigación do cambio climático e máis concretamente na transición enerxética- Particularmente na expansión das enerxías renovábeis variábeis (solar e eólica), e na súa integración nos mercados eléctricos maioristas e minoristas. Ademáis tamén está interesado en temas de economía política internacional e desigualdade e desenvolvemento. Fai parte da Rede IGADI.
A comunidade máis grande en lingua galega, https://orgullogalego.gal/
Borxa González Castro
Orgullo Galego-Condutor do episodio
Nado en Pontevedra, 39 anos, graduado pola UNED en Traballo Social e Técnico Superior en Integración Social. Desde o ano 2021 traballo como autónomo en Orgullo Galego, unha comunidade en redes en lingua galega que divulga sobre lingua, cultura, tradicións ou temáticas de actualidade. Actualmente é un dos proxectos en galego con máis alcance, seguidores e seguidoras, 450.000 presentes en máis de 70 países o que o converte nun espazo importantísimo para a divulgación mais tamén para a creación de contido. O traballo de divulgación e creación de Orgullo Galego céntrase tanto nas redes sociais como na páxina web, mais tamén nos centros de ensino e asociacións culturais, onde achegamos as potencialidades do uso do galego das novas tecnoloxías e a necesidade de usala en todos os ámbitos, como lingua viva e moderna que é.
Sara Egas
Participante desde Galicia
Son ecuatoriana residente en Ourense dende 2021, onde cheguei cos meus fillos. Tras estar en Estados Unidos, onde consolidei o inglés e vivir en Ecuador, atopei en Galicia o meu fogar. Son mestra de Primaria especializada en inglés e no acompañamento a ACNEAE. Unha das miñas grandes paixóns é traballar co corpo e a danza como ferramentas de benestar social en ambientes diversos. Ademais, formo parte da comunidade dixital galega a través de @pensando.enlibros, onde divulgo literatura de varias linguas falando en galego.
Víctor
Un peruano que fala galego, IG: @víctorengalicia
Ola, son Victor e teño 32 anos. Desde que cheguei a Galicia, encántoume a cultura e a lingua. Dábame moito medo e vergoña que a xente me escoitase falar galego —preocupábame que me criticasen por non falalo ben pero un día decidín atreverme e creei esta conta: *Victor en Galicia*, un peruano que fala galego. E, como digo sempre ao final dos meus vídeos: Falo galego hoxe, mañá e sempre
Christoph Schreinmoser
Director do IGADI. Profesor da Universidade da Coruña.
Xurista bávaro nado en 1996. Director do IGADI e profesor axudante doutor de Dereito internacional público e Relacións internacionais na Universidade da Coruña. Doutor en Dereito pola mesma universidade, completou a súa formación nas universidades de Múnic, Verona, Passau e Santiago de Compostela. O seu traballo aborda o Dereito internacional contemporáneo desde unha perspectiva crítica, con especial atención ao patrimonio cultural, os dereitos humanos e ás organizacións internacionais, particularmente a UNESCO e a Unión Europea. Participou no 1º Maratón de Galeguidades conducindo o episodio de Alemaña.
Vimiancesa graduada en Xornalismo pola Universidade de Santiago de Compostela, leva vinculada profesionalmente á Corporación de Servizos Audiovisuais de Galicia desde o 2016. Logo de comezar na Radio Galega, desenvolveu a súa carreira entre este medio, a televisión e o ámbito dixital. Na Televisión de Galicia conduciu documentais como Os Castros e Os Castelos, programas de entretemento como Eventos G, Morra o conto ou Soño contiGo, ademais de especiais, galas e eventos. Actualmente presenta Latitude Galega, un programa que percorre diferentes países na procura dos galegos e galegas que viven no exterior, para coñecer como son as súas vidas e as súas historias de emigración.
Valentín González Formoso
Presidente da Deputación da Coruña desde o ano 2015 e Alcalde das Pontes de García Rodríguez desde o 2007.
EmigraSon é un festival cultural sen ánimo de lucro nacido en Bruxelas co obxectivo de visibilizar a nova emigración galega e crear un espazo de encontro entre a diáspora, a cultura galega e o público europeo. A través da música o festival promove a identidade galega desde unha perspectiva contemporánea, aberta e inclusiva. EmigraSon aposta por artistas galegos emerxentes e consolidados, favorece o intercambio cultural e fortalece os vínculos entre Galicia e as comunidades emigrantes. Desde a súa primeira edición, o proxecto reuniu centos de persoas de diferentes nacionalidades, converténdose nunha cita de referencia para a comunidade galega en Bélxica. Máis alá dun evento musical, EmigraSon é unha plataforma de conexión, participación e orgullo colectivo, organizada de maneira colaborativa por persoas voluntarias comprometidas coa cultura, a convivencia e a difusión internacional de Galicia, e a creacion de redes culturais por toda Europa.
David Rebollo
Festival EmigraSON-Condutor do episodio
É un profesional galego residente en Bruxelas e membro da organización de EmigraSON, un proxecto cultural impulsado pola nova diáspora galega. Natural de Vigo, estudou Psicoloxía na Universidade de Santiago de Compostela e cursou un mestrado en Xestión Estratéxica da Innovación na Universidade de Groningen. Na actualidade traballa no ámbito dos proxectos europeos, especialmente en iniciativas vinculadas á innovación, á sustentabilidade e á cooperación internacional. A súa experiencia persoal como emigrante e a súa implicación na comunidade galega en Bélxica levárono a promover espazos de encontro entre Galicia e as persoas que viven fóra. Desde EmigraSON participa na creación dun festival que combina música, cultura e comunidade, cunha mirada contemporánea e aberta a Europa.
Noemí Figuerola Mera
Presidenta Irmandade Galega na Suiza-Xenebra
Naceu en Xenebra en 1986, con raíces familiares na Peroxa (Ourense). En Xenebra cursou os seus estudos primarios e secundarios, e foi tamén alí onde, con apenas seis anos, deu os seus primeiros pasos no baile tradicional galego da man da Irmandade Galega Na Suíza. Aos 19 anos, movida pola morriña, decidiu descubrir como era vivir en Galicia e trasladouse a Santiago de Compostela para estudar Filoloxía Francesa. Tras completar os estudos universitarios e os másters, regresou a Suíza, país no que seguía residindo a súa familia.
Paula Sabajanes
Rede IGADI. Coordenadora IGADI-Observatorio das Diásporas (Arxentina)
Xornalista galega nacida en Bos Aires. Licenciada en Ciencias da Información na Universidade de Santiago de Compostela (USC). Especializada en Comunicación Institucional e de Crise. Realizou cursos posgrao en Comunicación e Xénero na Universidade de Bos Aires (UBA). Traballou no Gabinete de Comunicación do Presidente da Xunta de Galicia, na Dirección Xeral de Cooperación ao Desenvolvemento, na Secretaría de Relacións Exteriores e coa UE do Goberno galego e integrou o equipo que puxo en marcha a primeira Delegación da Administración galega no exterior, onde dirixu o Gabinete de Comunicación. Colaboradora desde Arxentina para o xornal La Voz de Galicia, a Axencia EFE e o programa “Lambóns de Viaxe” da Radio Galega. Asistiu á Xunta directiva do Centro Galicia de Buenos Aires. Desempeñouse na Oficina de Comunicación da Embaixada de España en Buenos Aires e actualmente forma parte do equipo da Agregaduría de Defensa de España en Arxentina, Uruguai e Paraguai. Coordenou o Especial polo Ano Castelao que o IGADI-Observatorio das Diásporas desenvolvido durante 2025 e actualmente coordena o Especial 2026 arredor das Novas cidadanías: Votar e moito máis. É coordenadora do Observatorio das Diásporas do IGADI.
Karan Novo
Festival EmigraSON-Bruxelas
Karan é vigués e vive desde hai seis anos en Bruxelas, onde traballa no ámbito dos proxectos europeos e da representación de entidades galegas ante as institucións comunitarias. Alí forma parte activa da comunidade galega no exterior e desenvolve boa parte da súa actividade arredor da cultura, da música e da creación de espazos de encontro para a diáspora. É cofundador e organizador do Festival EmigraSON, unha iniciativa nacida entre un grupo de amigos e amigas galegas emigradas en Bruxelas co obxectivo de promover a música e a cultura galegas, reforzar os vínculos coa terra e visibilizar unha Galicia contemporánea, diversa e aberta ao mundo. Desde a capital europea, traballa por conectar a Galicia territorial coa Galicia global a través da cultura.
Rede IGADI. Coordenador IGADI-Observatorio das Diásporas (Alemaña)
Estudou Letras na Universidade de Bos Aires (UBA), para posteriormente licenciarse en Filoloxía Hispánica na Universidade de Santiago de Compostela (USC) onde logo cursou o Máster en Estudos da Literatura e da Cultura. Doutorouse en Lingüística Iberorrománica pola Universidade de Bremen (Alemaña) coa tese “Lingua e identidade no contexto da diáspora, a lingua galega en Bos Aires”. Tralo que se desempeñou como lector de galego na Universidade de Kiel, como consultor do European Centre for Minority Issues (ECMI). Na actualidade é investigador do Instituto da Lingua Galega, docente na Universidade Popular de Kiel (Foerde VHS) además do Instituto Cervates en Hamburgo. É coordenador do Observatorio das Diásporas do IGADI.
Matías Vázquez Vázquez
Secretario da Asociación Cultural Galega A Roda de Lausanne.
Naceu en Lausanne en 1981, con arraigo familiar no Saviñao (Lugo). Participa dende mais de 25 anos no asociacionismo galego no exterior con un interes mais marcado no tema da etnomusicoloxía.
Elena R. Romero
Presidenta Galéire, a Asociación Galega en Irlanda
Nacín en Baio, na Costa da Morte (Galicia), e levo case 30 anos vivindo en Irlanda. Ao longo da miña traxectoria profesional desempeñei responsabilidades de xestión, planificación e liderado de equipos en distintos sectores. Nos últimos sete anos traballo por conta propia como profesora de ioga e meditación, impartindo clases, desenvolvendo programas personalizados e organizando retiros e experiencias de benestar. Hoxe participo no III Maratón de Galeguidade en representación de Galéire, a Asociación Galega en Irlanda, constituída recentemente e nacida do traballo, da ilusión e do compromiso dun grupo de galegas e galegos que leva anos promovendo a nosa cultura e creando comunidade en Irlanda. Aínda que somos unha asociación nova e pequena, temos un equipo de traballo moi comprometido coa nosa comunidade. Organizamos iniciativas culturais, sociais e educativas que crean espazos de encontro, fomentan o uso da lingua galega e tenden pontes entre Galicia e a diáspora. É unha ledicia participar neste III Maratón de Galeguidade, representando a Galéire e contribuíndo a seguir tecendo redes entre as comunidades galegas espalladas polo mundo.
Carolina Silva Méndez
Presidenta da Asociación Pro-Fundación Manoel Vello
Fun xornalista e agora son profesora en Alemaña. Son presidenta da Asociación Pro-Fundación Manoel Vello, creada para fomentar o uso do galego na Galiza e para dar a coñecer a nosa identidade fora do noso país. Ademáis das nosas actividades na Galiza, estamos a colaborar con outras entidades de outros países na celebración de actividades culturais sobre a nosa língua e a nosa historia.
Vimiancesa graduada en Xornalismo pola Universidade de Santiago de Compostela, leva vinculada profesionalmente á Corporación de Servizos Audiovisuais de Galicia desde o 2016. Logo de comezar na Radio Galega, desenvolveu a súa carreira entre este medio, a televisión e o ámbito dixital. Na Televisión de Galicia conduciu documentais como Os Castros e Os Castelos, programas de entretemento como Eventos G, Morra o conto ou Soño contiGo, ademais de especiais, galas e eventos. Actualmente presenta Latitude Galega, un programa que percorre diferentes países na procura dos galegos e galegas que viven no exterior, para coñecer como son as súas vidas e as súas historias de emigración.
Konachadas
Influencer galegofalante. Gañadora da edición 2026 do certame Youtubeiras+ da Deputación da Coruña.
Aquí Nu 👋 Unha rapaza que naceu en Viveiro coa ansia de comunicar xa nas súas veas. As mestras do colexio sempre me rifaban por falar ou por estar nos seus “mundos imaxinarios”. E atopei o xeito de canalizar toda esa enerxía adicándose ao mundo da creatividade e da publicidade. Por unha banda, a través de trend., unha axencia da que son socia e directora creativa. E por outra, no meu proxecto persoal en redes sociais: Konachadas. No que falo de identidade, cultura galega, consumo consciente… e de todo o que me pasa por esta cabeciña. Unha serie de trapalladas que me levaron a gañar o premio Youtubeiras+ 2025 á Creación de Contido.
Xosé A. Touriñán
Actor, humorista... e organizador do Festival Castelo Conta (Castelo-Culleredo, 24-30 de agosto)
Actor, presentador, produtor e director, Touriñán conta con máis de 20 de anos de experiencia no audiovisual e no teatro. O seus inicios no mundo da actuación remóntanse a 2002 con ‘Os dous de sempre’, dúo cómico formado xunto a Marcos Pereiro. En 2005 comeza a súa carreira na TVG, onde coas ‘Cantareiras de Ardebullo’ no programa Luar consegue grande éxito de público. Desde entón, Touriñán convértese nun dos humoristas más recoñecidos de Galicia, protagonizando diversas series e programas de televisión. Nos últimos anos consolidou tamén a súa presenza na ficción estatal con papeis nas tres tempadas de Clanes e noutras producións como Ágata y Lola e Lobo.
Foi Director do IGADI entre o 2017 e marzo do 2026. Licenciado en CC. Políticas e da Administración pola USC, con mestrados en Cooperación Internacional e Xestión Cultural pola mesma Universidade. Foi técnico de sensibilización (2009-2011) e Secretario do Fondo Galego de Cooperación e Solidariedade (2011-2015). Publicou «Os irmandamentos en Galicia: Globalización, redes e goberno local» (IGADI, 2010), entre outros moitos traballos arredor da paradiplomacia galega. Desde o 2014 é o responsable da investigación «Uma historia para o S. XXI» arredor do desenvolvemento da Lei Paz Andrade en Galiza. Coordenou a 1ª e a 2ª edición do Maratón de Galeguidades.
Pilar Ansede
Presidenta do Centro Galego de Barcelona
Nacida en Ponferrada (Leon), filla de pai lucense (Guitiriz) e nai ourensana (O Bolo), emigrantes en Barcelona. O lugar de nacemento só é una circunstancia fortuita, pasou toda a súa vida en Barcelona. Licenciada en Pedagoxia pola Universidade de Barcelona Inicia a súa traxectoria profesional en CaixaBank, pasando tamén por empresas como Aigües de Barcelona e Schibsted. Actualmente está enfocada profesionalmente no Marketing Dixital dentro dunha multinacional noruega líder en MarketPlaces. Conecta co asociacionismo galego dende pequena a través da música tradicional dentro do Centro Galego de Barcelona, formando parte do grupo de gaitas Avoengo e do grupo de pandereteiras Gandarela. Dende o ano 2022 é presidenta do Centro Galego de Barcelona, sendo a segunda muller nos 132 anos de existencia en presidir a entidade.
David Rodríguez Domínguez
Presidente do Centro Galego de Burgos
Fillo de migrantes galegos, nai oriúnda de Piñeira de Arcos (Sandias-Ourense) e pai vigués nado no Berbés. Os país migran a Alemaña. O lugar de nacemento Hanau – main. Con tres ano regresa a terra e cursa estudos en Vigo. Trasladase a Jaca (Huesca) onde coñece a sua muller. Logo pasa 14 anos en Cambrils (Tarragona) onde nacen as suas duas fillas. No ano 2016 trasladanse a cidade que agora os acolle, Burgos. Forma parte do Grupo musical do centro galego Foles e Ferreñas tocando o bombo e transmitindo a música tradicional galega a todos os rincons da provincia. Presidente do Centro Galego dende xuño deste ano, seguirá na mesma linia de traballo que o anterior presidente o cal estivo no cargo case 23 anos.
María Jesús Rodríguez García
Presidenta do Lar Galego de Pamplona
Son Maria Jesús Rodríguez García. Nacín nunha aldea de Cuntis, no Novembro do 1961 nunha familia labrega, fun a terceira de catro irmans. Son filla de emigrante a Francia e Suiza. No ano 1983 emigro eu primeiro a San Sebastian e no 1988 chego a Pamplona entrando no Lar Galego, colaborando sempre, ata que en Marzo 2015 me propoñen como Candidata a Presidenta e dende entón ata hoxe xa van 11 aniños. Dende o 2023 son Delegada de Galeguidade da Zona Norte Cantabria Pais Vasco e Navarra. Con moito agarimo e Orgullo xunto a miña Directiva e socios, coidamos da nosa cultura, folclore, festas e gastronomía, traendo a Pamplona un cachiño do que somos
Mónica Calvo Fernández
Presidenta da Irmandade de Centros Galegos en Euskadi e do Centro Galego de Vitoria-Gasteiz
Nada en Vitoria-Gasteiz, é filla de emigrantes galegos: o seu pai, natural de Allariz (Ourense), e a súa nai, da Merca (Ourense). Desde a súa infancia mantivo unha estreita vinculación coa colectividade galega, participando activamente na conservación e difusión da cultura, das tradicións e da identidade galega en Euskadi. A súa traxectoria dentro do movemento asociativo galego comezou como integrante do Grupo de Gaitas e Baile Arte Galega do Centro Galego de Vitoria, do que formou parte entre os anos 1985 e 2025. Desde aquela altura participou desde múltiples posicións do asociacionismo galego en Euskadi, no Centro Galego de vitoria, a Revista Raiola ou a Dederación de Centros Rexionais de Álava. Na actualidade é Presidenta do Centro Galego de Vitoria-Gasteiz, Presidenta da Irmandade de Centros Galegos en Euskadi e Presidenta da Federación de Centros Rexionais de Álava, liderando proxectos destinados a fortalecer a galeguidade, fomentar a participación das novas xeracións e estreitar os lazos culturais e institucionais entre Galicia e Euskadi. No ámbito profesional conta con máis de vinte e dous anos de experiencia en dirección comercial, márketing e xestión de proxectos, compatibilizando a súa actividade empresarial cun firme compromiso co movemento asociativo galego e coa promoción da cultura de Galicia fóra da súa terra.
É profesor axudante doutor do departamento de Tradución e Lingüística da Universidade de Vigo, onde imparte docencia en grao, posgrao e doutoramento. Leva vinculado á industria do videoxogo dende o ano 2003, onde traballou como periodista para diversos medios, intérprete de diversas compañías e localizador de videoxogos, ámbito no que participou na localización ao castelán ou ao galego de máis dun milleiro de producións, moitas deles moi loados pola súa calidade. Tamén leva publicadas mais dunha ducia de monografías sobre a industria do videoxogo, así como un grande número de publicacións académicas. Na actualidade, é profesor a tempo completo na Universidade de Vigo, onde é un dos directores do exitoso título propio de Especialista en Tradución para a Industria do Videoxogo (ETIV). En total, acumula máis de 40 premios e nominacións polo seu labor nos ámbitos docente, periodístico e localizador.
Ana Aboal Beloso
Participante desde o Reino Unido
Nacín en Poio, en Pontevedra, pero levo fóra da Galiza dende hai xa mais de 12 anos. Traballo no sector dos videoxogos, especializada en marketing, produción e dirección creativa e de arte. Actualmente vivo en Reino Unido onde traballo para XBOX, pero tamén pasei por nos últimos anos pasei por moitos países e empresas como Nintendo, Ubisoft e Sega, traballando e dirixindo campañas de marketing para xogos AAA. Colaborei no pasado co falangullo A Gruta de Gizamaluke da Revista Morcego, e actualmente colaboro de cando en vez co falangullo de Recuncho Gamer, cando o traballo mo permite.
Pablo Monroy
Participante desde Galicia
Cofundador do estudo de videoxogos OverPowered Team, onde desenvolve os roles de director de arte e bizdev. Desenvolvedor na industria do videoxogo dende hai máis dunha década, con máis dunha ducia de títulos lanzados en plataformas PC e consolas. Tamén axuda a outros estudos de videoxogos a conseguir financiación e acordos con editoras como axente externo, co obxectivo de mellorar as experiencias dos desenvolvedores independentes. Foi vogal de Videoxogo.Gal, a asociación sen ánimo de lucro que serve de núcleo para tódolos profesionais e empresas creadores de videoxogos, e, na actualidade, ademáis do seu traballo como desenvolvedor, é relator en ámbitos de desenvolvemento e financiamento.
Pablo Fernández Cabanas
Participante desde Polonia
Tester de localización (LQA) de videoxogos en Keywords Studios (Katowice, Polonia). Acreditado en xogos de renome como Yakuza Kiwami 2.
Enrique “Pentadrangle” Martín
Participante desde Francia
É un compositor vigués cun pasado como teclista en varias bandas da escena do metal e pop local. No ano 2016 comezou a compoñer música para videoxogos empregando un estilo próximo ao chiptune, sendo coñecido polo exitoso Cyber Shadow (Yatch Club Games, 2021), así como pola súa participación en producións independentes como Roof Rage (Early Melon, 2019), VoidRun (Benjamin Soulé, 2019), Nuclear Blaze (Deepnight Games, 2021), Lords of Exile (Squidbit Works, 2024) ou Vengeance Hunters (Nalua Games, 2024). No ano 2021 fundou o estudio Punkcake Délicieux xunto con dous desenvolvedores franceses, compoñendo a banda sonora de todas as súas producións. Entre elas destaca Shotgun King: The final Checkmate (2022), que colleitou un grande éxito comercial.
Actor e creador audiovisual especializado en interpretación textual, improvisación escénica e técnica de cámara. Desenvolveu gran parte da súa carreira traballando en proxectos da TVG como Serramoura ou Land Rober Tunai Show así como en compañías de teatro galegas. Tamén participou en series de TVE e Atresmedia, a descatar Ágata y Lola, estreada este 2026. A maiores, conta con formación específica en escrita de guión e dirección de actores. Recibíu o premio Mestre Mateo en dúas ocasións: en 2021 pola webserie Xan e en 2024 pola curtametraxe O coidado. En 2023 dirixíu o espectáculo Arte sen guión, coprodución do CDG e a compañía carballesa Galeatro.
Prado Rúa
Influencer galegofalante, con creación de contidos específica para a diáspora galega
Coñecida como Prado Rúa nas redes sociais, adícase a crear contidos audiovisuais relacionados coa cultura galega e cos seus intereses persoais. Poderíase considerar unha influencer galegofalante, comprometida coa difusión da lingua e identidade galegas. Comezou a facer vídeos en YouTube no ano 2020 e, poucos meses despois, expandiu a súa presenza tamén a Instagram e TikTok onde acumula actualmente milleiros de seguidores.
É un directorio de podcasts que naceu a finais do verán de 2006 coa intención de recoller nun só sitio todos os producidos en galego. Moitas persoas teñen colaborado con Podgalego nestes vinte anos, mais foron dous os principais impulsores do proxecto: na parte gráfica e boa parte dos contidos Uxío Broullón, e na parte técnica e organizativa Isaac González.
Uxío Broullón Villar
Condutor do episodio
É deseñador gráfico e ilustrador. Produtor dos podcast areias:sonoras (2006, un dos primeiros en galego), C´mmons baby! (2007) e, xunto con Cris Terceiro, Fran da Lobeira e Jorge Lama, de Oíches? (2021, podcast oficial de Podgalego). En 2010, escribíu un artigo -Falangullos, os podcasts en galego- sobre a historia do podcasting en galego para o libro colaborativo Podcasting tu tienes la palabra. Impulsor do directorio Podgalego.
Silvio Falcón
Podcast Bueno Carallo Bueno (Barcelona)
(Esplugues de Llobregat, 1989) é un comunicador, politólogo e divulgador galego-catalán. A súa traxectoria profesional desenvólvese no ámbito das institucións públicas, da comunicación e dos medios, nomeadamente na Generalitat de Catalunya, tras unha etapa no Parlamento Europeo. Entre 2007 e 2012 dirixiu o programa en galego Barcelona Atlántica (Radio Trinitat Vella) e foi locutor de fútbol para Mediapro nas retransmisións en galego da Liga. É autor, xunto con Andreu Pujol, do ensaio "A la sobirania per l'esquerra. Una anàlisi de l'auge d'ERC, EH Bildu i BNG", galardoado co Premi d'Assaig Irla 2022, e colaborou en medios como Praza.gal, La Marea, Público e RAC1. Na actualidade presenta, xunto co actor Alberte Montes, o podcast Bueno Carallo Bueno, un espazo humorístico e retranqueiro en galego, producido desde Barcelona, que aborda a actualidade, a cultura e a identidade galegas.
Carlos Barros
Podcast Mi Madriña (Londres),
A idea do podcast era mellorar o meu galego, como fillo de Galego pero nacido no Reino Unido, conversando como se conversa nun bar da aldea. Entón empezamos o meu irmán Edgar e máis eu na pandemia. Agora o fago con Davide, nacido na Galiza, vivindo na costa sul do Reino Unido e falamos de todo e de nada!
Juan Vergara
Podcast Fóra de Mapa (Bruxelas)
Juan Elías Vergara Míguez, xunto con María Sabarís, é creador do Fóra de Mapa, un podcast en galego dedicado a analizar e divulgar a historia e cultura das moitas minorías étnicas, relixiosas e lingüísticas existentes no continente europeo. Juan Elías é politólogo e está especializado en políticas europeas. Mora en Bruxelas desde 2010, logo de ter vivido en República Checa e Grecia. Hoxe traballa nunha asociación europea do ámbito marítimo e durante a súa carreira profesional na capital comunitaria traballou para diferentes organizacións internacionais e para a Fundación Galicia Europa. Ademais é un dos membros do Couto Mixto, a asociación cultural galega en Bruxelas que a cada pouco organiza eventos nos que se divulga a arte e cultura do país entre a comunidade galega e local.
Mario Brión (Olaxonmario) é creador de contidos e divulgador galego. A través das súas redes sociais e do seu podcast Ai, Diomio!, achega contidos sobre lingua, historia, cultura e identidade galega cun estilo retranqueiro, absurdo e accesible. O seu traballo céntrase en facer da cultura galega un espazo vivo e suxeito ás narrativas contemporaneas.
Jesús Balboa
Un galego ben brasileiro 🇧🇷
Son de A Estrada. Dedícome a difundir a cultura galega nos paises lusófonos desde o ano pasado. Músico, escritor e influencer a tempo parcial, profesor de linguas a tempo completo. Veño de estar tres anos no Brasil e agora irei ser un galego en Cabo Verde.
David Ramos Arcos
Creador de contido en galego: Facendo comentadas para as miñas chiiicas!! 🧸🎀
Son un rapaz de 21 anos do norte do país, concretamente de Cariño, que dedica parte do seu tempo de lecer á creación de contido nas redes socias na súa conta @daviidraamos_. Este creador forma parte da nova remesa de creadoras que está a xurdir nas redes en galego, centrando o seu contido na defensa da lingua e cultura galegas, ademais das que el chama as súas “comentadas” sobre viaxes, cuestións sociais ou actualidade galega. Actualmente, estuda o Grao en Lingua e Literatura Galegas na USC en Santiago de Compostela, aínda que o curso pasado realizou os seus estudos na Irlanda pola Bolsa do Erasmus+.
Actor e creador audiovisual especializado en interpretación textual, improvisación escénica e técnica de cámara. Desenvolveu gran parte da súa carreira traballando en proxectos da TVG como Serramoura ou Land Rober Tunai Show así como en compañías de teatro galegas. Tamén participou en series de TVE e Atresmedia, a descatar Ágata y Lola, estreada este 2026. A maiores, conta con formación específica en escrita de guión e dirección de actores. Recibíu o premio Mestre Mateo en dúas ocasións: en 2021 pola webserie Xan e en 2024 pola curtametraxe O coidado. En 2023 dirixíu o espectáculo Arte sen guión, coprodución do CDG e a compañía carballesa Galeatro.
Susana Mangana
Rede IGADI. Analista internacional uruguaia-galega
É investigadora asociada do IGADI, profesora da Universidade de Deusto e investigadora do Instituto de Dereitos Humanos “Pedro Arrupe” da mesma universidade. Especialista en Oriente Medio e no mundo árabe-musulmán, ten unha ampla traxectoria académica e investigadora, integrando redes internacionais sobre xeopolítica, migracións, conflitos e diversidade relixiosa. Entre 2006 e 2023 dirixiu a Cátedra Permanente de Islam e Mundo Árabe da Universidade Católica do Uruguai, onde tamén foi directora do Departamento de Negocios Internacionais e Integración. É hbaitual de programas de tv como -Todo es Mentira ou -La Roca.
Rede IGADI. Coordenadora IGADI-Observatorio das Diásporas (Arxentina)
Xornalista galega nacida en Bos Aires. Licenciada en Ciencias da Información na Universidade de Santiago de Compostela (USC). Especializada en Comunicación Institucional e de Crise. Realizou cursos posgrao en Comunicación e Xénero na Universidade de Bos Aires (UBA). Traballou no Gabinete de Comunicación do Presidente da Xunta de Galicia, na Dirección Xeral de Cooperación ao Desenvolvemento, na Secretaría de Relacións Exteriores e coa UE do Goberno galego e integrou o equipo que puxo en marcha a primeira Delegación da Administración galega no exterior, onde dirixu o Gabinete de Comunicación. Colaboradora desde Arxentina para o xornal La Voz de Galicia, a Axencia EFE e o programa “Lambóns de Viaxe” da Radio Galega. Asistiu á Xunta directiva do Centro Galicia de Buenos Aires. Desempeñouse na Oficina de Comunicación da Embaixada de España en Buenos Aires e actualmente forma parte do equipo da Agregaduría de Defensa de España en Arxentina, Uruguai e Paraguai. Coordenou o Especial polo Ano Castelao que o IGADI-Observatorio das Diásporas desenvolvido durante 2025 e actualmente coordena o Especial 2026 arredor das Novas cidadanías: Votar e moito máis. É coordenadora do Observatorio das Diásporas do IGADI.
José María Ridao Domínguez
Consul General de España en Buenos Aires
Licenciado en Dereito e en Filoloxía Árabe, é escritor e diplomático español. Na súa primeira etapa como diplomático, estivo destinado en Angola, na Unión Soviética, en Guinea Ecuatorial e en Francia. En 2004 foi nomeado embaixador de España ante a UNESCO. Tamén foi cónsul xeral adxunto de España en París (Francia) e cónsul xeral de España en Washington (Estados Unidos). Entre os anos 2021 e 2024 foi embaixador de España na India e, desde o 30 de agosto de 2024, ocupa o cargo de cónsul xeral de España en Bos Aires.
Violeta Alonso Peláez
Presidenta do Consello da cidadanía española no exterior
María del Pilar Diaz
Consejera CRE (Consello de Residentes Españois) en Buenos Aires
É Licenciada en Administración de Empresas especializada en Negociación e Finanzas. É conselleira do Consello de Residentes Españois en Buenos Aires.
Juan Manuel de Hoz
Portavoz de CEDEU (Centro de Descendientes de Españoles Unidos)
É licenciado en Relacións Internacionais pola Universidade Católica Arxentina, conta cun posgrao en Negocios Internacionais e realizou un programa de intercambio académico na University of Richmond (Estados Unidos). Desde 2008 desenvolve a súa carreira profesional no Servizo Nacional de Sanidade e Calidade Agroalimentaria (SENASA) da Arxentina,
Francisco López
Portavoz da plataforma cidadá "Por máis dereitos"
Coordinador xeral da plataforma cidadá "Por Más Derechos", CRES na Diáspora Española, para América Latina. Nado en Toledo (España), emigrou á Arxentina en 2011, país no que reside actualmente. Ten 61 anos. É tamén coordinador xeral da Rede de Círculos de Podemos Exterior América e secretario xeral de Podemos Arxentina. Conduce o programa de radio Cenizas de Babilonia. Diáspora Española, emitido por Radio del Pueblo AM 830 na Arxentina e difundido tamén a través das súas emisións internacionais.
Gastón Torres
Director de Colectividades da municipalidade de Rosario e presidente do Club Español de Rosario
Director de Colectividades e Migracións da Municipalidade de Rosario, desde onde impulsa políticas públicas innovadoras para fortalecer a identidade, a integración e a diversidade cultural. Dirixente, xestor cultural e referente das organizacións de colectividades en Rosario e na provincia de Santa Fe. Na actualidade é presidente do Club Español de Rosario e presidente da Federación de Asociacións Españolas da Provincia de Santa Fe. Tamén é Consejero electo do Consello de Residentes Españois da Demarcación consular de Rosario No ámbito nacional, desempeña o cargo de presidente da Subcomisión Federal da Federación de Asociacións Españolas da República Arxentina, promovendo unha visión federal, moderna e participativa das institucións. É o principal impulsor da Lei Provincial de Colectividades, unha ferramenta histórica que recoñece, protexe e proxecta o papel das institucións en toda a provincia de Santa Fe. Cunha traxectoria construída desde moi novo, foi organizador das primeiras Xornadas Nacionais de Formación para Mozos Dirixentes (2007–2013), apostando pola formación, a renovación xeracional e o xurdimento de novos liderados. Formou parte activa da Casa Balear de Rosario, fortalecendo os vínculos coas Illas Baleares, e integra o Consello Reitor da Fundación Hospital Español de Rosario, institución que na actualidade preside cunha visión estratéxica e de proxección cara ao futuro.
Foi Director do IGADI entre o 2017 e marzo do 2026. Licenciado en CC. Políticas e da Administración pola USC, con mestrados en Cooperación Internacional e Xestión Cultural pola mesma Universidade. Foi técnico de sensibilización (2009-2011) e Secretario do Fondo Galego de Cooperación e Solidariedade (2011-2015). Publicou «Os irmandamentos en Galicia: Globalización, redes e goberno local» (IGADI, 2010), entre outros moitos traballos arredor da paradiplomacia galega. Desde o 2014 é o responsable da investigación «Uma historia para o S. XXI» arredor do desenvolvemento da Lei Paz Andrade en Galiza. Coordenou a 1ª e a 2ª edición do Maratón de Galeguidades.
Jesús Alberto Bello Couselo
Presidente Hermandad Gallega de Venezuela
Nacín o 21 de marzo de 1978. Son graduado en Contabilidade pola Universidade Santa María desde o ano 2000. Na actualidade desempeño o cargo de xerente xeral de Electroamper, unha empresa familiar dedicada á comercialización de repostos e compoñentes eléctricos para todo tipo de vehículos, camións, autobuses e maquinaria pesada. A miña vinculación coa Hermandad, que coñezo desde moi novo, fai que sinta que chegou o momento de devolverlle á que considero a miña segunda casa todo o que aprendín nela. Formei parte durante quince anos dun dos seus grupos de baile galego e, botando a vista atrás, desempeñei diversos cargos de responsabilidade dentro da institución: vicepresidente no período 2013-2015, xunto co Sr. Juan Suárez Lemos; director de Festas e Recreación durante dous mandatos (2009-2011 e 2011-2013), baixo a presidencia do Sr. Antonio Piñón Martín; e, antes de asumir a Presidencia da Irmandade Galega, fun durante catro anos secretario da Cámara de Representantes da institución.
Carlos Oscar Ameijeiras Miñones
Presidente da ABC do Partido de Corcubión, Arxentina
Nado en Bos Aires, é fillo de Carmen e Ramiro, naturais de Vimianzo (A Coruña). É licenciado en Contabilidade Pública pola Facultade de Ciencias Económicas da Universidade de Bos Aires. Preside a Asociación Benéfica Cultural do Partido de Corcubión desde xuño de 2007. Esta entidade foi fundada o 23 de agosto de 1922 por emigrantes naturais dos oito concellos que integraban o Partido Xudicial de Corcubión. Na década de 1930 financiou a construción de catro escolas en Galicia, converténdose na entidade da emigración arxentina que máis centros escolares promoveu no país. En 1925 publicou o primeiro número de Alborada, unha revista pioneira da emigración galega. Na actualidade conta con dúas sedes sociais, situadas en Bos Aires e Vicente López, nas que se desenvolven escolas de gaita, canto e pandeireta, baile tradicional galego, encaixe de palillos, zanfona, teatro, ioga, tai chi chuan, entre outras actividades. A asociación mantén ademais un programa semanal de radio dedicado á música e á actualidade galega, con entrevistas e contidos culturais, que suma xa máis de 280 emisións.
Ricardo González Méndez
Presidente do Lar Galego de Chile
Ricardo González Méndez é un empresario cunha sólida traxectoria no sector do comercio polo miúdo e, nos últimos quince anos, liderou unha empresa familiar dedicada á industria das fariñas de trigo. Fillo de galegos propietarios de explotacións agrarias establecidos en Chile na década de 1950, está casado cunha descendente de galegos e é pai de dúas fillas, unha socióloga e unha enfermeira. Desde neno foi un membro activo de Lar Gallego, participando durante trinta anos nun grupo de baile tradicional galego. Desempeñou diferentes responsabilidades de liderado, entre elas a presidencia da colectividade desde 2020, impulsando a promoción da cultura galega en Chile. Fundado en 1967, Lar Gallego conta con arredor de 500 persoas asociadas e dedícase a celebrar e difundir a cultura galega mediante diversas actividades ao longo de todo o ano.
Francisco Javier Piñeiro Garrido
Presidente da Associação Cultural Hispano Galega Cabaleiros de Santiago de Salvador de Bahía (Brasil).
Presidente da Associação Cultural Hispano Galega Cabaleiros de Santiago de Salvador de Bahía (Brasil). Son licenciado en Ciencias Económicas pola Universidade Federal da Bahía.
Actor e creador audiovisual especializado en interpretación textual, improvisación escénica e técnica de cámara. Desenvolveu gran parte da súa carreira traballando en proxectos da TVG como Serramoura ou Land Rober Tunai Show así como en compañías de teatro galegas. Tamén participou en series de TVE e Atresmedia, a descatar Ágata y Lola, estreada este 2026. A maiores, conta con formación específica en escrita de guión e dirección de actores. Recibíu o premio Mestre Mateo en dúas ocasións: en 2021 pola webserie Xan e en 2024 pola curtametraxe O coidado. En 2023 dirixíu o espectáculo Arte sen guión, coprodución do CDG e a compañía carballesa Galeatro.
Lorena Lores
Compañía Teatral Galega de Buenos Aires
Nada en Buenos Aires (1968), filla de galegos, viviu 15 anos en Vigo. Na súa traxectoria profesional é cantante, compositora, actriz, produtora e directora de espectáculos nas dúas beiras. Desde pequena transita o ámbito da colectividade galega, foi criada no seo da Federación de Asociacións Galegas da República Arxentina, onde é Secretaria da Comisión Directiva. Acompañando ao seu pai, foi impulsora da creación do MEGA Museo de la Emigración Gallega naa Arxentina Francisco “Paco” Lores. No 2022 recibiu a homenaxe da Deputación Pontevedra e a Cátedra Iberoamericana da Universidade de Santiago de Compostela na mostra ‘Unha mirada en feminino’ que pon en valor a contribución á igualdade das mulleres da emigración galega. Hoxe, adícase ao fomento do noso patrimonio cultural, conduce o programa radial “Galiza Emigrante” e ao teatro, onde leva gañados dous Premios Hugo pola obra “Lejano Resplandor de Luna” historia de dúas galegas republicanas.
Xandre Muiño Garrido
Influencer galegofalante, de Carballo para o mundo!
Son Xandre, de Carballo, e teño 28 anos. Considérome unha persoa extrovertida e moi curiosa. Desde sempre sentín unha especial atracción polas artes escénicas, aínda que sempre desde unha perspectiva afeccionada. Esa experiencia axudoume a desenvolver o meu carácter e a miña personalidade, ademais de descubrir o moito que me gusta comunicar e crear contido. Fágoo sempre cunha mirada local e próxima, poñendo en valor a miña contorna e as persoas que lle dan vida. Creo que a lingua e a cultura galegas son unha forma de conectar coa xente e de dar visibilidade á riqueza que temos máis preto.
Simón Antonio Rodríguez Landaeta, alias Galego de Caracas
Poeta, recitador escénico e rapeiro
É poeta, recitador escénico e rapeiro. Neto de galegos, nado e criado en Venezuela e emigra á cidade de Lugo no ano 2019 ao abeiro das Bolsas Excelencia Mocidade Exterior da Xunta de Galicia para cursar o Máster en Servizos Culturais da USC. Aprende o galego dende cero e comeza a compartir contidos de divulgación con perspectiva intercultural nas RRSS como @galegodecaracas. No ano 2023 gaña o Premio Nacional de Poesía O Facho co libro A outra patria, o cal é publicado a principios do 2024 por Medulia Editorial. Convértese nun asiduo das competicións de Slam Poetry a nivel galego. Gaña a tempada 2023 do Bóveda Slam Poetry, ao cal representa no Poetry Slam España 2024, realizado na cidade de Santander. Tamén chega á final do VI Premio Nacional de Poesía Viva #LdeLírica da organización Ámbito Cultural (El Corte Inglés).
Roi P. Vila
Rede IGADI. Responsable de comunicación do Maratón de Galeguidades 2026. Politólogo e consultor
Roi P. Vila é consultor político freelance especializado en análise política, datos e comunicación. Cun grao en Ciencias Políticas pola Universidade de Santiago de Compostela e un MSc en Política Europea pola London School of Economics and Political Science (LSE), conta con máis de dez anos de experiencia en consultoría política, intelixencia competitiva, análise de reputación e estratexia comunicativa. É investigador asociado do IGADI.
